Kisa ki kreyoLiti

KreyoLiti fonde nan dat 21 novanm 2019, objektif prensipal li se fè pwomosyon lang ak kilti kreyòl padan li ap sèvi ak literati epi travay ki fèt nan kèk lòt domèn paralèl.

Vizyon

Akonpanye tout lokitè kreyolofòn ak tout lòt lokitè alawonnbadè dekouvri bèlte lang ak kilti kreyòl ayisyen an nan pataje kontni sou fòm ekri ak miltimedya .

Misyon

Mennen yon politik lengwistik ak jèvrin jouk kreyòl ayisyen an rive pran plas li epi jwe vrè wòl li jan sa dwe fèt la paske nou ret kwè tout lang se lang; tout lang egal ego sou plan sosyolengwistik, kidonk tout lang ka sèvi motè devlopman.

Valè

Respè
Pataj
Responsabilite
Rekonesans
Divèsite
Entegrite
Inovasyon
Enklizyon

Prensip ak lidèchip

Sèvis nou yo

Tout kontni sou sit la gen aksè lib, men nou ofri fòmasyon sou didaktik, amenajman lengwistik, teknik ak metòd pou aprann oubyen anseye kreyòl ayisyen. Nou bay sèvis tradiksyon epi ede kèk enstitisyon jwenn fòmatè ak pwofesè kreyòl ayisyen. Tout moun gen aksè ak anpil sèvis epi pwogram gratis k ap pèmèt yo byen file zouti kreyòl yo. Yo ka kontakte n an liy, oubyen pa telefòn pou jwenn sèvis nan men espesyalis nou yo.

Kominike avèk nou an liy pou tout èd ak enfòmasyon sou travay n ap fè a ak sèvis n ap ofri yo

Fè pwomosyon lang ak kilti pa yon tach fasil, e li mande anpil kout men, se pou rezon sa nou mete nou disponib pou reponn tout kesyon lektora ta vle poze , an liy oubyen pa telefòn. Kontakte nou nan +509 36563186 (Ayiti) ; +1 4383218836 (Kanada); sou imel nou nan kreyoliti9@gmail.com oubyen nan fowòm tchat sou sitwèb la.