Jean D’Amérique se yonn nan jèn otè ayisyen ki rive enpoze li nan literati kontanporen an san pran tan. Pi mal pase solèy midi, li tonbe simaye reyon literati nan monn lan san jeretyen. Dayè, se yonn nan rezon ki lakoz li fè dap piyanp sou plizyè jan literè, kit se pwezi, woman oubyen teyat. San bliye, li fè sa nan yon nivo estwòdinè.
Se nan lane 1994, nan Kotdefè (Ayiti) Jean D’Amérique wè jou pou premye fwa. Sou obligasyon etid li, li antre Pòtoprens kote fenk soti nan lise li frekante de (2) fakilte nan Inivèsite Leta Ayisyen an, Ekòl Nòmal Siperyè pou etidye filozofi ak Etnoloji pou etid nan sikoloji. Jèn otè a ki te wè tout vi li tatouwe sou po ekriti, pa t pran tan pou li abandone etid li yo pou li konsakre tout li menm nan metye plim nan. Yon chwa ki pa t twò mal paske li pote fwi jounen jodi a !
Jean D’Amérique pote an menm tan chapo eslamè, dramatij, powèt, womansye, san bliye li se animatè atelye ekriti, e li kontribye nan plizyè revi literè. Li se otè plizyè pyès teyat ki jwe sou sèn deja.
Nan lane 2015, li pibliye premye rekèy powèm li « Petite fleur du ghetto » ki te pran mansyon espesyal nan Prix René Philoctète e ki te seleksyone nan Prix Révélation Poésie de la Société des Gens de Lettres. San kanpe, nan lane 2017 li pibliye ‘’Nul chemin dans la peau que saignante étreinte, « collier de ciel et de sang »’’, kote li prezante kò moun, pafwa tankou yon kò ki ap vwayaje sou presyon aza, pafwa tankou yon kò ki manke yon manm ousinon ki deteryore. Li fè tout travay sa nan yon lang ou ta di ki dechire.
Finalis Prix Fetkann, epi Loreya Prix de la Vocation, rekèy sila sot afime jèn otè a pami nouvèl vwa pwezi kontanporèn nan charye.
Nan lane 2019, Jean D’Amérique enstale li ant Paris Bruxelles ak kolektif Loque Urbaine kote li kreye Transe Poétique ki se yon festival entènasyonal ki tabli kò li nan lakou Pòtoprens e ki ap pwezi an valè sou plizyè fòm atistik.
Prensipal zèv otè a:
Pwezi:
- Petite fleur du ghetto. Port-au-Prince: Atelier Jeudi Soir, 2015.
- Nul chemin dans la peau que saignante étreinte. Ardèche: Cheyne éditeur, 2017.
- Atelier du silence. Ardèche: Cheyne éditeur, 2020.
Woman:
- Soleil à coudre. Arles: Actes Sud, 2021.
Teyat:
- Cathédrale des cochons. Montreuil: Éditions Théâtrales, 2020.
Tèks li ki parèz nan ouvraj kolektif :
- « Brand new ». Trois Cent Soixante 1 (2016): 90-95.
- « Désobéir ». IntranQu’îllités 4 (2016): 42.
- « Récit des étals ». Do Kre I S, 1 (2017): 65.
- « n’en déplaise au miroir ». Do Kre I S, 2 (2018): 57.
- « bain de bouche ». Sabir 2 (2019): 57-59.
- « Kid 50 ». Kitz (2020): 306-311.
- « dernière lettre ». IntranQu’îllités 5 (2020).
- « jusqu’où pisser ». Une soirée haïtienne, sous la direction de Thomas C. Spear. Montréal: CIDIHCA, 2020: 179-181.
Pri ak disteksyon literè:
- 2015 Mention spéciale Prix René Philoctète, pour Petite fleur du ghetto.
- 2016 Finaliste Prix Révélation Poésie de la SGDL, pour Petite fleur du ghetto.
- 2016 Bourse Arts et Culture pour le changement social (FOKAL).
- 2017 Prix de poésie de la Vocation, pour Nul chemin dans la peau que saignante étreinte.
- 2018 Finaliste Prix RFI-Théâtre, pour Avilir les ténèbres.
- 2019 Finaliste Prix RFI-Théâtre, pour Cathédrale des cochons.
- 2018 Finaliste Prix Fetkann de Poésie, pour Nul chemin dans la peau que saignante étreinte.
- 2019 Sélection aux Journées de Lyon des auteurs de théâtre, pour Avilir les ténèbres.
- 2019 Lauréat Texte en Cours, pour Avilir les ténèbres.
- 2019 Bourse Occitanie Livre et Lecture.
- 2019 Lauréat Visa pour la Création (Institut Français), pour Avilir les ténèbres.
- 2020 Lauréat Troisième Bureau / Regards croisés, pour Cathédrale des cochons.
Rezidans literè:
- 2015 Centre Pen Haïti / Résidence Georges Anglade (Pétion-Ville).
- 2016 Théâtre au Bout des Doigts (Agen).
- 2019 Maison des écritures (Lombez).
- 2019 Cité internationale des arts (Paris).
- 2019-2020 Lycée Galilée (Paris), résidence d’écrivains de la Région Île-de-France.
- 2020 Cité internationale des arts (Paris), programme de résidence TRAME.
Tradiksyon:
an kreyòl:
- Touf flè nan pikan / Petite fleur du ghetto. Traduit par Erickson Jeudy. Bruxelles: maelstrÖm, 2019.
Sous : http://ile-en-ile.org/amerique/
https://fr.wikipedia.org/wiki/Jean_D%27Am%C3%A9rique
Marvens JEANTY
18 jwen 2021
Kreyoliti pou yon pi bon kreyolizay !
