Nan ribrik « Ann dekouvri otè kreyolofòn yo » Kreyoliti kontan prezante piblik la : Philippeson JUSTE
Finalis Pri Entènasyonal Léopold Sédar Senghor pou ane 2025 lan, Philippeson JUSTE ki gen pou non Plim : Mapou lib e libè wè premye jou li 26 avril 1998 nan Vil Jeremi ki nan Depatman Grandans Ayiti. Pou moman an li ap etidye lamedsin nan Fakilte Syans Medikal nan peyi Kiba. Bò kote lanmou li pou koze laswenyay, Mapou lib e libè se yon tizè literati, li koumanse ekri depi l ti katkat jouk pasyon an rive fè rasin.
Se Lanmou l pou literati ak anvi rakonte istwa pèp li ki plis motive Mapou lib e libè . Esperyans lavi a, bèlte Ayiti, ak pwoblèm sosyal ki bezwen yon vwa se prensipal sijè ki atire powèt la. Epi tou, pou li, ekriti se yon sipò, yon poto pou simonte pwoblèm l ap fè fas chak jou ki rele jou.
Powèt la deklare Ayiti se yonn nan sous enspirasyon fondamantal nan ekri li yo. Lanmou, soufrans, ak lavi nan peyi a enfliyanse anpil nan tèks li yo.
E pou sa k konsène Jan literè yo, Mapou lib e libè fè konnen li plis ekri pwezi , e Pwezi li yo melanje estil lirik, angajman sosyal, ak yon ti kal sireyalis. Li renmen sèvi ak metafò, oksimò, epi chyas pou tradwi emosyon ak reyalite konplèks zèv li yo charye.
Powèt la tèlman pwodwi, li pa ka konte konbyen tèks li ekri deja.
Men li gen de (2) rekèy ki pibliye deja epi anpil tèks soti nan revi, jounal, antoloji , elatriye…
Tèks ki pibliye deja yo se : « Bout Souf » ( Desanm 2024), Yon rekèy powèm kreyòl lirik ki pibliye nan Edisyon PapyeNèf nan Pòtoprens;
« ¿ Sobrevivirán las aliblancas palomas ? (2024), » nan editoryal Colección Sur, ki pibliye Kiba.
Mapou lib e libè se Kòdonatè jeneral klèb lekti Mèb Sèvo. Daprè li, anbyans lan bèl anpil , kote manm yo pataje ide, diskite liv, epi fè pwomosyon literati nan kominote a. Pou moman an l ap travay sou pwojè ki valorize kilti kreyòl la pandan l ap pibliye plis rekèy powèm kote l ap entwodui nouvo eleman vizyèl, tankou fotografi nan travay li yo.
Powèt la rete kwè « Ekriti se yon zak libète. Tout sa yon moun ekri, li kreye yon espas kote rèv, memwa, ak esperans ka viv ansanm. Li swete tout frè ak sè Powèt li yo kontinye kenbe plim nan fèm, paske li se zam kont silans. »
Lyen Prensipal:
https://fr.m.wikipedia.org/wiki/Philippeson_Juste
mapoulibelibe.com
Atik ki ekri sou Philippeson Juste
1-
https://lenouvelliste.com/article/250281/philippeson-juste-poete-et-medecin-haitien-a-cuba
2-
https://lenouvelliste.com/article/245466/philippeson-juste-yon-vwa-kreyol-nan-peyi-kiba
3-
https://www.lenational.org/post_article.php?cul=2075
4-
https://izuba.net/philippeson-juste-poete-et-medecin-haitien-a,13121313.html
5-
https://www.potomitan.info/ayiti/fouad/juste_philipenson.php
6-
https://bitin.fr/caraibe/2180935-philippeson-juste-poete-et-medecin.html?debutsyndics=18
7-
8-
https://hpost5.com/regard-sur-philippeson-juste-poete-photographe-et-medecin
Atik sou diferan zèv powèt la
1-
https://hpost5.com/bout-souf-un-recueil-de-poemes-de-philippeson-juste-dit-mapou-libelibe
2-
https://lenational.org/post_article.php?cul=2009
3-
https://www.lenational.org/post_article.php?cul=2217
Distenksyon ak pri
1- (Prix découverte Élise Bisschop)
https://www.elicite.fr/post/lauréats-du-prix-élise-bisschop-2024
https://www.lenational.org/post_article.php?cul=2075
2- (Premier prix de la poésie Plousgasnou)
https://www.foyerruralplougasnou.fr/page/2955800-actualites
https://www.plougasnou.fr/wp-content/uploads/2024/10/Palmares.pdf
https://hpost5.com/regard-sur-philippeson-juste-poete-photographe-et-medecin
https://lenouvelliste.com/article/250281/philippeson-juste-poete-et-medecin-haitien-a-cuba
3-
(Finaliste Prix de la poésie ADAN_ Auteurs des Hauts-de-France 2024)
https://adan5962.e-monsite.com/medias/files/le-nouvelliste-entretien-avec-juste-phiippeson.pdf
Lòt detay
https://c3editions.com/media/rubric/docs/content_1726692131-c3.pdf
https://www.lenational.org/post_article.php?cul=1650
https://www.lenational.org/post_article.php?cul=1717
https://www.lenational.org/post_article.php?cul=1784
https://www.lenational.org/post_article.php?cul=1845
https://www.lenational.org/post_article.php?cul=1882
https://www.lenational.org/post_article.php?cul=1963
https://www.lenational.org/post_article.php?cul=2031
Estrè Bout Souf:
Di peyi a pou nou
bò isit
lafimen vante yon sèl bò
Di peyi a pou nou
pa bò isit
tout leve solèy gen fòs kote
tout reyon lalin mi wo mi ba
Grangou lari a bat lang sou nou
lanmizè djondjon-djondjon
lakay kraze zo po zye
nou pote chapo a demi ma
di peyi a pou nou
tanpri
legzil pote non pinnga chen
Philippeson Juste
Ekstrè liv _Bout souf_ , 2024
Edisyon Papye9
Kreyoliti pou yon pi bon kreyolizay ak yon politik lengwistik ak jèvrin
Marvens JEANTY
1e mas 2025
